Naute Hnute Pek

Hnute pek - a tir te, hnute chauh pek leh pek dan dik

Hnute Pek

• A pian aṭanga darkar 1 chhungin hnute pe rawh
• A hnek chak hunah hnektir rawh
• Lehlam a hnek kang hnuah a lehlam hnektir chauh rawh

Hnute Pek Dan Dik

Naute chuan hnute hmur a hmuam nghet chaih

• A khabein hnute a si
• A ka a ang zau
• A hmui hnuai lam a pawrh chhuak
• A hmur bul bial dum hi a chung lam a lang tam zawk

Hnute Pek Dan Dik Lo

• Naute chuan hnute hmur a hmuam chang chang chauh
  

Hriat Tur

Thla 6 chhung chu hnute chauh pe la; kum 2 chhung chu la pe chhunzawm rawh.

 

NAUTE HNUTE PEK DAWNA HRIAT TURTE

1. NUIN  NAUTE  HNUTE  A  PEK  DAWNIN  A  KUT  FAI TAKIN A SIL TUR A NI. KUT SIL REMCHANG LO A NIH CHUAN HAND SANITIZER TALIN A SIL TUR A NI.
   

2. NAUTE HNUTE PEK DAWNIN NU LEH NAUTE NUAM / HAHDAM TAKIN AN AWM TUR A NI. 
   

3. MU CHUNG LEH ṬHU CHUNGIN REM TAKIN HNUTE A PEK THEIH.
   

4. ṬHU  CHUNGA  PEK  DAWN  CHUAN  NU  REM  TAKA ṬHUIN  NAUTE  TAKSA  PAWHIN  NU  LAM  REM  TAKIN HAWI TUR A NI.  

5. NAUTE NU DUL LEH NAUTE DUL A INSI TUR A NI.

6. NU  HNUTE  HMURAH  CHAUH  HNEKTIR  LOVIN  A MAWK  DUM  CHINAH  NAUTE  TAKSAIN  NU  LAM  A HAWI  ANG  A.  A  HNEK  TUR  HNUTE  LAMAH  ZEL NAUTE MUTTIRIN NUAM TAKIN A PEK THEIH A NI.
   

   HRIAT TUR PAWIMAWHTE

   
   
   1. NU HNUTE HI NAUTE TAN CHAW ṬHA BER EMAW FAMKIM A NI. A TLUKPUI DANG PEK TUR A AWM LO. AWLSAM TAKA PEK NGHAL MAI THEIH A NI.
   2. NAUTE A PIAN VELEH A HMA THEI ANG BERIN HNUTE PEK TUR A NI.
   3. HNUTE ṬHA TAKA PEK HIAN NU LEH NAUTE INLAICHINNA A TINGHET.
   4. HNUTE TUI LO CHHUAK HMASA COLOSTRUM HI HNEKTIR NGEI NGEI TUR A NI. COLOSTRUM HI NAUSEN PIANG HLIM TAN CHAW ṬHA BER A NI. A TLUKPUI DANG A AWM LO A, NATNA LAKA NAUTE VENG HIMTU A NI.
   5. NAUTE THLA 6 TLIN HMA CHU NU HNUTE CHAUH PEK TUR A NI. A THEIH HRAM CHUAN KUM 2 THLENG TAL NU HNUTE HI PEK CHHUNZAWM TUR A NI.