Normal Blood Pressure
Mipa Hmeichhia
Kum SBP/DBP SBP/DBP
21-25 120.5/78.5 115.5/70.5
26-30 119.5/76.5 113.5/71.5
31-35 114.5/75.5 110.5/72.5
36-40 120.5/75.5 112.5/74.5
41-45 115.5/78.5 116.5/73.5
46-50 119.5/80.5 124.0/78.5
51-55 125.5/80.5 122.5/74.5
56-60 129.5/79.5 132.5/78.5
61-65 143.5/76.5 130.5/77.5
SBP = Systolic Blood Pressure
DBP = Diastolic Blood Pressure
Mar len lam (blood pressure)
Blood pressure hi number chi hnihin ziah a ni ṭhin: 120/80 mm Hg tih angin.
- A hmasa 120 hi systolic blood pressure an ti a, lung-in thisen a pump laia thisen kawng a tawn mar nat lam a ni.
- A hnuhnung 80 hi diastolic blood pressure an ti a, mar phut inkara a zawih laia thisenin thisen kawng a tawn mar nat lam a ni.
“120/80 mm Hg” hi “120 over 80,” tiin an sawi ṭhin.
- Pangngai: systolic = 120 mm Hg hnuai lam; diastolic = 80 mm Hg hnuai lam.
- Sang deuh: systolic = 120~139 mm Hg; diastolic = 80~89 mm Hg.
- Sang: systolic = 140 mm Hg leh a chung lam; diastolic = 90 mm Hg leh a chung lam.
Thisen Sang (High Blood Pressure)
Thisen Sang Hriat Dan
Thisen san lam hriat theih dan chu BP check a ni.
Thisen San Chhan
Taksa chet tlem lutuk, zun thlum, thau lutuk, nau pai vangte hian thisen a sang thei.
Thisen Sangin Harsatna A Thlen Theihte
Lung, thluak, kal, mit te a khawih chhe thei.
Lung A Khawih Dan
Heart attack: Thisen sang hian lung chawmtu thisen kawng chu fân ṭha thei lovin a siam thei a, chu chuan lung tân thisen leh oxygen a pe tlem a, lung natna a thlen thei a. Lunga thisen luang tlem hian lung na (angina), heart attack leh heart failure a thlen thei a ni. Lung chawmtu thisen kawng chu a lo pin chuan, lung tihrawl chu oxygen tlakchham avangin a lo thi ṭan ta ṭhin a. Thisen luang chu a pin rei poh leh lung a chhe nasa a ni mai.
Heart Failure: Lungin taksa peng dang mamawh tawk thisen leh oxygen a pump theih loh hi heart failure chu a ni.
Stroke leh Thluak Buai
BP sang hian thluak chawmtu thisen kawng a tipuak emaw, a tiping a, stroke a thlen thei. Stroke lai hian thluakin oxygen a hmuh loh avangin thluak timur (brain cells) an thi ṭan ta ṭhin a. Stroke vang hian ṭawng theih loh te, zenna te, thihna te a thleng thei.
Kal Natna
Zunthlum emaw, thisen sang emaw nei puitlingte hian a nei lote aiin kal natna an nei awl zawk.
BP Sang Neih Hriat A Har
BP Sang hi "ngawi renga thattu" (silent killer) an ti ṭhin; a chhan chu, hriat lawkna em em pawh awm lova a thihpui thut theih vang a ni. Mi tam tak chuan BP sang ka nei tih pawh an inhre lo ṭhin.
BP Sang Enkawl Dan
Kar khatah taksa chetna nasa (exercise) minit 150 tal nei rawh (ni tin minit 30-in, kar khatah ni 5)
- Zial zu suh.
- Thil hrisel chauh ei in rawh. Chi leh zu pawh insum rawh.
- Thau lutuk lo turin invawng rawh.
- Stress neih loh tum rawh.
- Doctor rawnin damdawi ei rawh.
- Heng tamna hi ei in rawh: potassium, magnesium, calcium, (balhla leh bawnghnute).
Thu Rawnte:
Cell Phone hmang tana hriat tur:
- A chung ding lama ▼ chhûnga Zawnawlna ○ hi i hmang ṭangkai dawn nia.
- A hnuai lama View web version tih-ah hian lut la, i kut ṭang pahniha fawn hmai (screen) khawihin han en lian (zoom) la, vei lamah Thupui tih te, a lai chung lamah Thu Zawnna tih te, ding lamah Post Tawh tih te i hmuh belh ang a, chung chu i hmang ṭangkai thei ang.