Khawsik Pang Sa

Taksa Lum Lam Tehna

Pang Sa Ṭhen Dan

Sawi dan hrang hrang, inang lo hret hret a awm a, a tlangpuiin hengte hi an sawi dan a ni. 

Taksa lum dan pangngai = 37°C (98.4°F, 97°F~99°F)

Kaw chhung (mawngkua, esophageal tea tehin)

1. Vawt lutuk: 35.0°C (95.0°F) aia dai (lum lo)
2. Pangngai (Normothermia): 36.5–37.5°C (97.7–99.5°F)
3. Khawsik awm (Hyperthermia): 37.5°C emaw 38.3°C (99.5°F emaw 100.9°F) aia sa.
4. Khawsik sang (Hyperpyrexia): 40.0°C emaw 41.0°C (104.0°F emaw 105.8°F) aia sa.

Dam pangngai pawh hi tehna lai azirin an lum lam a danglam thei.

• Mawngkua/tai, serh, beng chhung (tympanic): 37.5 °C (99.5 °F)^[17]
  
• Ka chhung: 36.8±0.5 °C (98.2±0.9 °F) emaw 36.3~37.3 °C (97.3~99.1 °F)
• Zak: 36.5 °C (97.7 °F)^[17]

Taksa lum dan pangngai = Normal human body temperature = normothermia = euthermia

Neih Tur

Chhungkaw tinin Medical Thermometer (Clinical Thermometer) hi neih vek a ṭha. 

 

Tih Tur

Awm a nawm lohvin, dam lohvin, ni tin, zing chhun tlai zan tea pang sat lam teh a, lehkha bua chhinchhiah zel tur a ni.

Pang a Sat Chuan

• Pang a sat chuan, a pangngaia a awm leh theih nan hma lak tur a ni.
• Pang a sat chuan, thawmhnaw lum te phelh a, puan sin lova awm tur.
• Pang a sat viau chuan, tui vawta deh, leih, bual huh te pawh a theih.
• Pindan chhung a uap lum lutuk chuan tukverh te hawn a, pawn thlifim thawt luhtir tur.
• Thil tui vawt tam tawk tak (no 2 no 3) intir tur.
• A ṭul chuan na chhawkna damdawi, Paracetamol emaw, a tawka ei tur a ni. (Damdawi tam zawk chu ei zin lutuk emaw, ei tam lutuk emaw chuan nghawng ṭha lo a awm thei tih hriat tur). 
• Mut hahdam tur.
• Anmahni chauha awmtir loh tur, bawihsawmtu awm lovin an lo kaih thei a.
• A sat chhan dik tak hriat loh emaw, tihreh theih loh chuan daktawr rawn a, an sawi ang taka tih tur.
• Blood Pressure (BP) te pawh a sang thei a, check-sak a, chhinchhiah ve ṭhin tur.
  

 

Digital Thermometer Hman Dan

1. Thermometer hruk fai nan lapua leh spirit inring sa la,
2. Thermometer chu a bur chhunga a awm chuan la chhuak la,
3. Lapaw thianghlim tlem la la, spirit-in tihuh la (spirit bur chu chhin phui leh la),
4. Thermometer hmawr, taksa chhunga dah tur lam chu lapaw huh chuan hru la,
5. Thermometer-a power button chu hmet nung la, second 3 vel nghak la,
6. Thermometer hmawr (metal awmna lam) chu taksa chhung (lei hnuai / zak / mawngkua)-ah chuan dah la,
7. Minute 1 emaw, thermometer a lo rik thleng emaw nghak la,
8. Thermometer chu la chhuak la, pang sat lam inziak chu en la,
9. Ziak loh puan (note book)-ah a pang sat zawng leh i teh hun dar zat chhinchhiah la,
10. Thermometer power button chu hmet leh la (off la),
    
11. Thermometer hmawr, taksa dek lam chu spirit-a huh lapua chuan hru fai leh la,
12. A burah khung la, thermometer leh spirit chu dah ṭha leh la,
13. Lapua i hman tawh hnu chu bawlhhlawh bawmah i paih dawn nia.

Kâ (lei hnuai)-a teha khawsik teh dik loh theih hun

1. Thil ei in zawhah - tui vawt/sa, vur, chaw lum, etc.
2. Kaa thawk char char hnuah - hnar pin vanga kaa a thawk char char zawh chiaha teh chuan a dik lo thei.
3. Hah laiin - khawi emaw kala thlen hlimah.
4. Ṭah laiin - an ṭang thawsat lai a ni thei.
   

________________________

100° -102° F (37.8° - 39° C) Low grade fever: helpful, good range. Don't treat.
102° -104° F (39 - 40° C) Average fever: helpful. Treat if causes discomfort.
Over 104° F (40° C) High fever: causes discomfort, but harmless. Always treat.
Over 106° F (41.1° C) Very high fever: important to bring it down. Rare to go this high.
Over 108° F (42.3° C) Dangerous fever: fever itself can be harmful.

Thu Rawn:

• https://www.Wikipedia.org
• hmun dang dang.
• Khawsik leh A Enkawl Dan (from Naupang Enkawl Dan)

Cell Phone hmang tâna hrìat tũr: 

1. A chung ding lama ▼ chhûnga Zawnawlna ○ hi i hmang ṭangkai dawn nia. 
2. A hnuai lama View web version tih-ah hian lut la, i kut ṭang pahniha fawn hmai (screen) khawihin han en lian (zoom) la, vei lamah Thupui tih te, a lai chung lamah Thu Zawnna tih te, ding lamah Post Tawh tih te i hmuh belh ang a, chung chu i hmang ṭangkai thei ang.